- Lyrics
- Album list
- Singer Intro
白冰冰
-
求你原諒
24411/《求你原諒》Kiû Lí Guân-liōng 白冰冰Pe̍h Ping-ping 黃瑞琪N̂g Suī-kî
↓↓(口白)---(口白)---(口白)↓↓ 月娥 Gua̍t-ngôo 我實在是真該死 guá si̍t-tsāi sī tsin kai-sí 為怎樣哪會遮爾軟弱 uī-tsuánn-iūnn ná ē tsiah-nī luán-jio̍k 爸母的壓迫 pē-bú ê ap-pik 我煞無勇氣來共伊反抗 guá suah bô ióng-khì lâi kā-i huán-khòng
想著過去 siūnn-tio̍h kuè-khì 你為我犧牲 lí uī guá hi-sing 毋知欲按怎對你講起 m̄-tsai beh án-tsuánn tuì lí kóng-khí 想欲寫批予你 siūnn-beh siá-phe hōo lí 手攑這枝筆 tshiú gia̍h tsit ki pit 是那寫那掣 sī ná siá ná tshuah
我知影毋是一句抱歉 guá tsai-iánn m̄-sī tsi̍t-kù phō-khiàm 就會當洗清著我的罪過 tiō ē-tàng sué-tshing tio̍h guá ê tsē-kò 也毋是千言萬語的安慰 iā m̄-sī tshian-giân bān-gú ê an-uì 就會得彌補著你心內的創傷 tiō ē-tit mí-póo tio̍h lí sim-lāi ê tshong-siong
我毋敢求你原諒 guá m̄-kánn kiû lí guân-liōng 現在的我 hiān-tsāi ê guá 只是望你大聲罵我恨我 tsí-sī bāng lí tuā-siann mā guá hūn guá 按呢我才會感覺 Find more lyrics at ※ Mojim.com án-ne guá tsiah ē kám-kak 得著一點點仔安心 tit-tio̍h tsi̍t-tiám-tiám-á an-sim 月娥 Gua̍t-ngôo ↑↑(口白)---(口白)---(口白)↑↑
窗邊的秋蟲聲 thang-pinn ê tshiu-thâng siann 親像你的叫聲 tshin-tshiūnn lí ê kiò-siann 想起著你的無情 siūnn-khí tio̍h lí ê bô-tsîng 予阮心痛疼 hōo gún sim thàng-thiànn
環境來迫咱拆散 khuân-kíng lâi pik lán thiah-suànn 月娘也怨無伴 gue̍h-niû iā uàn bô-phuānn 希望你原諒我 hi-bāng lí guân-liōng guá 予阮受拖磨 hōo gún siū thua-buâ
今夜的秋蟲聲 kim-iā ê tshiu-thâng siann 聲聲哭孤單 siann-siann khàu koo-tuann 想起著你的形影 siūnn-khí tio̍h lí ê hîng-iánn 不覺哭出聲 put-kak khàu tshut-siann
咱兩人真心相愛 lán nn̄g-lâng tsin-sim siong-ài 偏偏袂當做伴 phian-phian buē-tàng tsuè-phuānn 希望你原諒我 hi-bāng lí guân-liōng guá 總是咱運命 tsóng--sī lán ūn-miā
- Special thanks to W.B. Chen for sharing the lyric.
- Related Links: W.B. Chen
|