- Album Intro
- Lyrics
- Album list
- Singer Intro
王俊傑
-
無階的樓梯
Lyricist:武雄 Composer:王俊傑
猶原是陣陣風微微 靜靜的暗暝 凡勢連月光 攏早就去覕 猶原是悶悶的城市 踏袂著未來 摸無天 想欲進一步 不知影 頭前是什麼
請問天光到底藏佇佗位 敢有一粒流星向阮暗示 這步一旦迒出去 是平安無事 還是就註定大空細裂
我愛你 已經毋是三年五年 鐵齒 所以一直毋願放棄 無階的樓梯 無論佇佗位 嘛欲一步一步行向你的身邊
鐵齒 已經毋是三年五年 愛你 所以一直毋願放棄 這個暗暝 連大雨嘛酒醉 一首歌 一個人唱一暝
Will you Still Love Me 愈唱愈稀微 愛是一種病 找無藥醫 痛是一種教示 是心內錯亂的證據 也是對家己 最後的抗議
我愛你 已經毋是三年五年 鐵齒 所以一直毋願放棄 無階的樓梯 無論置叨位 嘛欲一步一步行向你的身邊
鐵齒 已經毋是三年五年 愛你 所以一直毋願放棄 這個暗暝 連大雨嘛酒醉 這首歌 希望你聽見
------------------------------------------
17497/《無Khiat的樓梯》Bô Khiat ê Lâu-thui 王俊傑Ông Tsùn-kia̍t
猶原是陣陣風微微 iu-guân sī tsūn-tsūn hong bî-bî 靜靜的暗暝 tsīng-tsīng ê àm-mî 凡勢連月光 huān-sè liân gue̍h-kng 攏早就去覕 lóng tsá tiō khì bih 猶原是悶悶的城市 iu-guân sī būn-būn ê siânn-tshī 踏袂著未來 ta̍h buē-tio̍h bī-lâi 摸無天 bong-bô thinn 想欲進一步 siūnn-beh tsìn-tsi̍t-pōo 毋知影 m̄ tsai-iánn 頭前是啥物 thâu-tsîng sī siánn-mih
請問天光 tshiánn-mn̄g thinn-kng 到底藏佇佗位 tàu-té tshàng tī tó-uī 敢有一粒流星 kám ū tsi̍t-lia̍p liû-tshinn 向阮暗示 hiòng gún àm-sī 這步一旦迒出去 tsit pōo it-tàn hānn--tshut-khì 是平安無事 sī pîng-an bô-sū 抑是就註定 ia̍h-sī tiō tsù-tiānn 大空細裂 tuā-khang-sè-li̍h Find more lyrics at ※ Mojim.com
我愛你 guá ài lí 已經毋是三年五年 í-king m̄-sī sann-nî gōo-nî 鐵齒 thih-khí 所以一直毋願放棄 sóo-í it-ti̍t m̄-guān hòng-khì 無khiat的樓梯 bô khiat ê lâu-thui 無論佇佗位 bô-lūn tī tó-uī 嘛欲一步一步 mā beh tsi̍t-pōo-tsi̍t-pōo 行向你的身邊 kiânn hiòng lí ê sin-pinn
鐵齒 thih-khí 已經毋是三年五年 í-king m̄-sī sann-nî gōo-nî 愛你 ài lí 所以一直毋願放棄 sóo-í it-ti̍t m̄-guān hòng-khì 這个暗暝 tsit ê àm-mî 連大雨嘛酒醉 liân tuā-hōo mā tsiú-tsuì 一首歌 tsi̍t-siú kua 一个人唱一暝 tsi̍t-ê-lâng tshiùnn tsi̍t-mî ---
Will You Still Love Me 愈唱愈稀微 jú tshiùnn jú hi-bî 愛是一種病 ài sī tsi̍t-tsióng pīnn 揣無藥醫 tshuē-bô io̍h i 疼是一種教示 thiànn sī tsi̍t-tsióng kà-sī 是心內錯亂的證據 sī sim-lāi tshò-luān ê tsìng-kì 也是對家己 iā-sī tuì ka-kī 最後的抗議 tsuè-āu ê khòng-gī
我愛你 guá ài lí 已經毋是三年五年 í-king m̄-sī sann-nî gōo-nî 鐵齒 thih-khí 所以一直毋願放棄 sóo-í it-ti̍t m̄-guān hòng-khì 無khiat的樓梯 bô khiat ê lâu-thui 無論佇佗位 bô-lūn tī tó-uī 嘛欲一步一步 mā beh tsi̍t-pōo-tsi̍t-pōo 行向你的身邊 kiânn hiòng lí ê sin-pinn
鐵齒 thih-khí 已經毋是三年五年 í-king m̄-sī sann-nî gōo-nî 愛你 ài lí 所以一直毋願放棄 sóo-í it-ti̍t m̄-guān hòng-khì 這个暗暝 tsit ê àm-mî 連大雨嘛酒醉 liân tuā-hōo mā tsiú-tsuì 這首歌 tsit siú kua 希望你聽見 hi-bāng lí thiann--kìnn
- Special thanks to W.B. Chen for correcting the lyric.
- Related Links: W.B. Chen
|